''' จักพรรดิ์แห่งเครื่องรางล้านนาอันดับ 1  กะลาราหูครูบานันตา วัดทุ่งม่านใต้   คู่นี้รายมือจารได้มาตฐาน และ หนักแน่น )  อุปเท่ห์การใช้กะลาราหูของ ครูบานันตา วัดทุ่งม่านใต้ แบบฉบับเต็มสมบูรณ์ โดยท่านครูบานันตาท่านได้จดบันทึกไว้ใน  สมุดปั๊บสาของท่าน ไว้ว่าดังนี้...'''

((  ยันต์มะป้าวต๋าเดียว 2 ลูกนี้หื้ออบรมหื้อขะอูปเงินขะอูปคำไว้ฮักษาไว้เป็นดั่งดวงแก้วมณีโชติ แห่งพญาจักรวัตินั้นเต๊อะ  ก็หากจักจำเริญไปด้วยสมบัติข้าวของเงินคำมั่งมูลจ้างม้างัวควาย   ข้าคนเข้าของปิจจะจื่นบานอันหนึ่งก็เป็นตี่ฮัก แก่คนและเตวดาตังหลายไผบ่ห่อนดูแคลนได้แล    ผิว่าจักไปหาขุนหานายหื้ออบรมแล้วไปดี   แลผิว่าจักไปก้าไปขายตำบลหนใด  หื้ออบรมแล้วไปมีโชคลาภแล     ผิว่าจักไปรบศึกหื้ออบรมด้วยเงินคำแล้วไปแป้ข้าศึกม๊อกนาดปืนไฟดาบก็บ่ามาใกล้ได้แล    กันจักไปหื้อเอาราหูแจ่น้ำส้มป่อยดำหัวบ่อั้นก็เอาแจ่น้ำมันงาทาหน้าผากแป้ข้าศึกแล    ผิว่าเอาแจ่น้ำมันหุงนวดสีปากแม้นท่านเครียดก็ปากจ๋าดี  อิตถีก็ฮักแม้นจักไปสถานะตี่ใดก็ดี  เอาราหูมานบคบยำแล้วไปมีโชคจัยลาภะการมากนักแล     ผิว่าผู้หญิงประสูติลูกบ่ออก   เอาราหูแจ่น้ำหื้อกิ๋นทากระหม่อมออกแล    ผิว่างัวควายเป็นขี้รากบ่กิ๋นหญ้า  เอาราหูแจ่น้ำกับหญ้าหื้อกิ๋นหายแล     ผิว่าก้าขายเอาราหูแจ่น้ำปะของก้าขายบ่ขาดแล     ผิว่าเจ็บหัวมัวตาเป็นขี้รากปั่นมัวเมา  เอาราหูแจ่ซ่วยหน้ากินหายแล    ผิว่าผะผายประตูบ้านโจรบ่มาใกล้ได้      ผิว่าท่านมีคำต่อเฮาเขียนจื่อมันใส่ใบปูแล้วเอาราหูเต๋งไว้ยะกำต่อเฮาบ่แป้เฮาได้     ผิว่าใคร่ได้คนใดเขียนเจื่อมันใส่ใบปูเอาราหูเต๋งไว้ไปหามันฮักเฮามากนักแล     ผิว่าจักกระตำไร่นาเอาราหูแจ่น้ำพะเข้าปลูกดีแล     ใคร่มีรยศเป็นนายหื้ออบรมวัน 1 อบรมวัน 3 แป้ข้าศึกอาหารการกิ๋น อบรมวัน 4 อบรมวัน 5 มีผญ๋า อบรมวัน 6 ข้าวของ อมรมวัน 7 ท่านฮัก อบรมทุกวันยิ่งดีนักแล………))