พระล้านนาดอทคอม แหล่งรวมพระเครื่องเมืองเหนือ
โชว์พระเกจิอาจารย์ล้านนา

พระปิดต๋าผงเกษา ครูบาบุญยืน วัดสบล้อง รุ่นแรก

พระปิดต๋าผงเกษา ครูบาบุญยืน วัดสบล้อง รุ่นแรก


พระปิดต๋าผงเกษา ครูบาบุญยืน วัดสบล้อง รุ่นแรก

   
  ครูบาบุญยืนวัดสบล้อง อายุ 83 พรรษา 63  ครับ ครูบาตี่เกษาเป็นพระธาตุ เซาะผ่อได้ตี่เวปกูเกิ้ล ได้อนุญาตฮื้อลูกศิษย์สร้างพระถวาย เป็นพิมพ์ปิดต๋ารุ่นแรก ส่วนผสมก่อมี ซะปะ อาทิเช่น ผงพุทธคุณเศษพระแตกหัก ผงพุทธคุณส่วนตั๋วของครูบา พลอยกิ๋นบ่เ้ซี้ยง ฯลฯ ตี่ำสำคัญ กู้องค์จะมีเกษาของครูบา เพราะลูกศิษย์คนตี่สร้าง ได้เก็บเกษาของครูบามาตั้งแต่ยังบ่ดัง ปอคนฮู้ก่อมาขอ นักเข้า นักเข้า ก่อเลยขอแป๋งพระเลยดีกว่า เพราะบางคนใคร่ได้ แต่เก็บบ่ดี อาจจะตกหล่นพ่อง ถ้าเอามาผสมแป๋งพระแล้วก่อจะอยู่กับพระ บ่ได้ตกหล่นไปไหน พระชุดนี้เป็นพิมพ์ปิดต๋าหมด สอบถามข้อมูลว่าแป๋งประมาณเก้าร้อยป๋าย (เพราะเส้นเกษาหมด) โดย ต๋ำปู๋น ต๋ำผงกั๋นตี่วัด กดพระก่อกดตี่วัด (ครูบาช่วยกดตวย) ครูบาได้อธิษฐานจิตปลุกเสกแล้วก่อเวลาได้ฮับนิมนต์ไปปลุกเสกตี่ไหนก่อเอาไปตวย องค์นี้พิเศษฝังตระกรุดหัวใจ๋แก้วตังสาม สามดอกครับ แป๋งมา 5 องค์  สร้างไว้แจกครับไผผ่านไปผ่านมาแถววัดสบล้องก่อลองเข้าไปขอกับครูบาได้ครับ
 
     
โดย : มงคลครูบา   [Feedback +7 -0] [+0 -0]   Tue 22, Jun 2010 20:06:36
 
 
วัดสบล้อง อยู่ตางใดครับ ชี้แจงแถลงไขหน่อยครับ
 
โดย : พรมารดา    [Feedback +72 -1] [+0 -0]   [ 1 ] Tue 22, Jun 2010 21:14:15

 

ประสบก๋านเยี่ยมแต้ๆ ครับ

ของเปิ้ลดีแต้ๆ

CONFIRM!!!!
 
โดย : หนุ่มสารภี    [Feedback +3 -0] [+0 -0]   [ 2 ] Wed 23, Jun 2010 12:57:24

 
...
 
โดย : sidtad    [Feedback +0 -0] [+0 -0]   [ 3 ] Thu 24, Jun 2010 00:42:46









 
อยู่ ตำบลบ้านโฮ่ง อำเภอบ้านโฮ่ง จังหวัดหละปูนครับ อ.บ้านโฮ่ง ออกจากหละปูนไปตัง อ.ลี้ครับ  อ.บ้านโฮ่งจะเลยวัดพระบาทตากผ้าไปครับ เข้าแยกปากตางม่วงโตน (ถนน สายลำพูน - ลี้) ก่อนแยกปากตางม่วงโตนจะเป็น ถนนสี่แลนแรกตี่หัน  (เลยวัดพระบาทตากผ้ามาครับ เพราะถนนสุดสายมีสี่เลนบ่กี่ตี่) เข้าแยกปากตางม่วงโตนไปประมาณ 3 กม. จะมีตางเข้าวัดอยู่ผางซ้ายของถนน ครับ หรือถ้าไผมาตาง อ.หางดง ก่อเข้าแยกท่าลี่ครับ ถ้าจากแยกท่าลี่ก่อน่าจะซัก สิบป๋ายกิโล ขับไปเรื่อย จ๋นถึงบ้านทุ่งโป่ง และก่อบ้านห้วยสร้อย กำนี้ก่อก่อยผ่อตังขวาครับ ถามตางเอาก่อได้ วัดไปบ่ยาก แต่สำคัญคือ ไปแล้วจะปะครูบาก่อ เพราะหันว่าช่วงนี้กิจนิมนต์นักขนาด ไปเหนือ ไปใต้ บ่ได้ว่างเลยครับ แต่ถ้าไปถึงแลงๆ ซัก 4 -5 โมง ปะแน่นอนครับ (แต่บ่ขอคอนเฟอร์มเน่อคับ) ขอบคุณฮูปจากเวปพลังจิต งานทอดกฐินตี่วัดครับ
 
โดย : มงคลครูบา    [Feedback +7 -0] [+0 -0]   [ 4 ] Thu 24, Jun 2010 18:33:46









 
ครุบาอาจ๋านต๋นเฒ่า ต๋นแก่บ้านเฮาก่อเหลือบ่นักแล้วเน่อครับ มีอยู่ฮื้อไหวสาก่อไปไหว้เหียเน่อ บ่มีฮื้อไหว้แล้วจะไห้หา ต๋นหนุ่มต๋นหน้อย ก่อไหว้ได้บ่ก่อยสนิทใจ๋คับ
 
โดย : มงคลครูบา    [Feedback +7 -0] [+0 -0]   [ 5 ] Thu 24, Jun 2010 18:37:33









 
เพิ่มฮูปแถมน่อย กะลังได้มา และก่อถ้าไปหาแล้วบะดีลืมขอพระปิดต๋าตวยเน่อ เพราะครูบาจะบ่แจกไปเรื่่อย ถ้าบ่ขอเปื้นบ่ฮื้อ เพราะเปิ้นถือว่าคนที่ใคร่ได้ก่อต้องขอ ถ้าบ่ขอแสดงว่าบ่ใคร่ได้ เปิ้นจะบ่แจก เพราะถ้าแจกไปเรื่อยคนตี่ฮับไปบ่ฮู้คุณค่าจะเอาพระเปิ้นไปไว้ตี่บ่เหมาะบ่ควร
 
โดย : มงคลครูบา    [Feedback +7 -0] [+0 -0]   [ 6 ] Wed 7, Jul 2010 20:16:06









 

 
โดย : มงคลครูบา    [Feedback +7 -0] [+0 -0]   [ 7 ] Wed 7, Jul 2010 20:16:34

 

สุดยอดแต้ๆครับ Confirm!!!!!!!!!

 
 
โดย : หนุ่มสารภี    [Feedback +3 -0] [+0 -0]   [ 8 ] Wed 7, Jul 2010 21:13:05

 

ลืมไป ไผไปขอแล้วบะดีบอกว่าฮู้ข่าวจากเวปเน่อ  บอกว่าเขาว่ามาอี้เน่อคับ ครูบาเปิ้นบ่ชอบฮื้อโปรโมต (วันนั้นไปแอ่วหา บอกว่ผมเอาพระตุ๊ลุงลงเวปโฆษณา ก่อเลยโดนด่าไปเรียบร้อยแล้ว)

 
โดย : มงคลครูบา    [Feedback +7 -0] [+0 -0]   [ 9 ] Fri 16, Jul 2010 12:29:16

 
พระปิดต๋าผงเกษา ครูบาบุญยืน วัดสบล้อง รุ่นแรก : พระล้านนา.คอม เว็บ พระเครื่อง พระบูชา อันดับหนึ่ง ของภาคเหนือ ออกแบบเว็บไซต์โดย 2WinWeb design บริการรับทำเว็บไซต์
Copyright Pralanna.com All right reserved. © สงวนลิขสิทธิ์ตามกฎหมายโดย บริษัท พระล้านนาดอทคอม จำกัด.